గుప్పెడు మనసు

సంగీతం: ఎం.ఎస్.విశ్వనాథన్ 

పల్లవి
నువ్వేనా...
సంపంగి పువ్వున నువ్వేనా
జాబిలి నవ్వున నువ్వేనా
గోదారి పొంగున నువ్వేనా
నువ్వేనా

చరణం 1
నిన్నేనా అది నేనేనా
కలగన్నానా కనుగొన్నానా
అల్లిబిల్లి పదమల్లేనా
అది అందాల పందిరి వేసేనా 

చరణం 2
కళ్ళేనా హరివిల్లేనా
అది చూపేనా విరి తూపేనా
తుళ్ళి తుళ్ళి పడు వయసేనా
నన్ను తొందర వందర చేసేనా

చరణం 3
నువ్వైనా నీ నీడైనా
యేనాడైనా నా తోడౌనా
మళ్ళీ మళ్ళీ కల వచ్చేనా
ఇల మల్లెల మాపై విచ్చేనా

రచన: ఆత్రేయ  
గానం: బాలు