సంగీతం: రమేష్ నాయుడు
పల్లవి
నవమి నాటి వెన్నెల నేను
దశమి నాటి జాబిలి నీవు
కలుసుకున్న ప్రతిరేయి
కార్తీక పున్నమి రేయి (నవమి)
చరణం 1
నీ వయసే వసంత రుతువై
నీ మనసే జీవన మధువై (2)
నీ పెదవే పల్లవిగా
నీ నగవే సిగ మల్లికగా
చెరిసగమై యే సగమేదో
మరచిన మన తొలి కలయికలో (నవమి)
చరణం 1
నీ వొడిలో వలపును నేనై
నీ గుడిలో వెలుగే నేనై (2)
అందాలే నీ హారతిగా
అందించే నా పార్వతిగా
మనమొకటై రసజగమేలే
సరస మధుర సంగమ గీతికలో (నవమి)
రచన: వేటూరి
గానం: బాలు, సుశీల
No comments:
Post a Comment