ఆరు
సంగీతం : దేవిశ్రీ ప్రసాద్

పల్లవి
చూడొద్దే నువు చూడొద్దే చురకత్తిలాగ నను చూడొద్దే
వెళ్లొద్దే వదిలెళ్ళొద్దే మది గూడు దాటి వదిలెళ్ళొద్దే
అప్పుడు పంచిన నీ మనసే అప్పని అనవద్దే
ఇప్పుడు పెరిగిన వడ్డితో ఇమ్మని అడగొద్దే

చరణం 1
వద్దు వద్దంటూ నీనున్న వయసే గిల్లింది నువ్వేగా
పొ పో పొమ్మంటూ నీనున్న పొగలా అల్లింది నువ్వేగా
నిదరోతున్న  హృదయాన్ని లాగింది నువ్వేగా
నలుపై ఉన్న రాతిరికి రంగులు నువ్వేగా
నాతో నడిచిన నా నీడ నీతో నడిపావే
నాలో నిలిచే నాప్రాణం నువ్వై నిలిచావే

చరణం 2
వద్దు వద్దంటూ నువ్వున్నా వలపే పుట్టింది నీపైనా
కాదు కాదంటూ నువ్వున్నా కడలే పొంగింది నాలోన
కన్నీళ్ళ తీరంలో పడవల్లే నిలిచున్నా
సుడిగుండాల శ్రుతిలయలో వెలుగే ఇస్తున్నా
మంటలు తగిలిన పుత్తడిలో మెరుపే కలుగునులే
ఒంటిగా తిరిగిన ఇద్దరిలో ప్రేమే పెరిగునులే

రచన : చంద్రబోస్
గానం : టిప్పు, సుమంగళి