ఆనంద్

సంగీతం : కె.ఎం.రాధాకృష్ణన్ 

 

పల్లవి 

యమునా తీరం సంధ్యా రాగం
యమునా తీరం సంధ్యా రాగం
నిజమైనాయి కలలు నీలా రెండు కనులలో
నిలువగనే తేనెల్లో పూదారి ఎన్నెల్లో గోదారి మెరుపులతో

చరణం : 1
ప్రాప్తమనుకొ ఈ క్షణమే బ్రతుకులాగ
పండెననుకొ ఈ బ్రతుకే మనసు తీరా
శిథిలంగా విధినైనా చేసేదే ప్రేమ
హృదయంలా తననైనా మరిచేదే ప్రేమ
మరువుకుమా ఆనందం ఆనందం
ఆనందమాయేటి మనసు కథా

మరువుకుమా ఆనందం ఆనందం
ఆనందమాయేటి మనసు కథా

చరణం : 2
ఒక్క చిరునవ్వే పిలుపు విధికి సైతం
చిన్న నిట్టూర్పే గెలుపు మనకు సైతం
శిశిరంలో చలి మంటై రగిలెదే ప్రేమ
చిగురించే ఋతువళ్ళే విరబూసే ప్రేమ
మరువుకుమా ఆనందం ఆనందం
ఆనందమాయేటి మధుర కథా

మరువుకుమా ఆనందం ఆనందం
ఆనందమాయేటి మధుర కథా

రచన : వేటూరి 

గానం : హరిహరన్, చిత్ర 
..........................................................................................................

పల్లవి
నువ్వేనా... నా నువ్వేనా
నువ్వేనా... నాకు నువ్వేనా
సూర్యుడల్లే సూదిగుచ్చి సుప్రభాతమేనా
మాటలాడే చూపులన్నీ మౌనరాగమేనా
చేరువైనా దూరమైనా ఆనందమేనా
చేరువైనా దూరమైనా ఆనందమేనా
ఆనందమేనా... ఆనందమేనా...

చరణం 1
మేఘమల్లే సాగివచ్చి దాహమేదో పెంచుతావు
నీరు గుండెలోన దాచి మెరిసి మాయమౌతావు
కలలేనా... కన్నీరేనా...
తేనెటీగ లాగ కుట్టి తీపిమంట రేపుతావు
పువ్వులాంటి గుండెలోన దారమల్లే దాగుతావు
నేనేనా... నీ రూపేనా...
చేరువైనా దూరమైనా ఆనందమేనా
ఆనందమేనా... ఆనందమేనా...

చరణం 2
ఆ... కోయిలల్లే వచ్చి ఏదో కొత్తపాట నేర్పుతావు
కొమ్మగొంతులోన గుండె కొట్టుకుంటె నవ్వుతావు
ఏ రాగం... ఇది ఏ తాళం...
ఆ... మసక ఎన్నెలల్లే నీవు ఇసక తిన్నె చేరుతావు
గసగసాల కౌగిలంత గుసగుసల్లె మారుతావు
ప్రేమంటే... నీ ప్రేమేనా...
చేరువైనా దూరమైనా ఆనందమేనా
ఆనందమేనా... ఆనందమేనా...

రచన : వేటూరి
గానం : శ్రేయా ఘోషల్, కె.ఎం.రాధాకృష్ణన్
..........................................................................................................

పల్లవి
వచ్చే వచ్చే నల్లమబ్బుల్లారా... గిచ్చే గిచ్చే పిల్లగాలుల్లారా
వచ్చే వచ్చే నల్లమబ్బుల్లారా... గిచ్చే గిచ్చే పిల్లగాలుల్లారా
కళ్ళలోన పొంగుతున్న బాధలెన్నో మాకున్నాయ్
గుండెలోన దాచుకున్న గాథలెన్నో మాకున్నాయ్
తీరుస్తారా బాధ తీరుస్తారా గాలివాన లాలి పాడేస్తారా

చరణం 1
పిల్లపాపలా వాన బుల్లిపడవలా వాన
చదువు బాధనే తీర్చి సెలవులిచ్చినా వాన
గాలివాన కబాడ్డీ వేడివేడి పకోడి
ఈడు జోడు డీ డీ డీ డీ తోడుండాలి ఓ లేడి
ఇంద్రధనస్సులో తళుకుమనే ఎన్ని రంగులో
ఇంతి సొగసులే తడిసినవి నీటి కొంగులో
శ్రావణమాసాలా జలతరంగం
జీవనరాగాలకిది ఓ మృదంగం
కళ్ళలోన పొంగుతున్న బాధలెన్నో మాకున్నాయ్
తీరుస్తారా బాధ తీరుస్తారా గాలివాన లాలి పాడేస్తారా

చరణం 2
కోరి వచ్చిన ఈ వాన గోరువెచ్చనై నాలోన
ముగ్గులా సిగ్గు ముసిరేస్తే ముద్దులాటిదే మురిపాలా
మెరిసే మెరిసే అందాలు తడిసే తడిసే పరువాలు
గాలివానల పందిళ్ళు కౌగిలింతల పెళ్ళిళ్ళు
నెమలి ఈకలో ఉలికిపడే ఎవరి కన్నులో
చినుకు చాటున చిటికెలతో ఎదురుచూపులో
న ల్లని మేఘాలా మెరుపులందం
తీరని దాహాలా వలపు పందెం
కళ్ళలోన పొంగుతున్న బాధలెన్నో మాకున్నాయ్
తీరుస్తారా బాధ తీరుస్తారా గాలివాన లాలి పాడేస్తారా

రచన : వేటూరి
గానం : శ్రేయా ఘోషల్
..........................................................................................................

పల్లవి
తెలిసీ తెలిసీ వలలో పడెనే వయసు
తలచీ వలచీ కలలే కనెనే మనసు
తనువున ఎన్నో తపన లు రేగే
తహ తహలోనే తకదిమి సాగే
తెలిసీ తెలిసీ వలలో పడెనే వయసు
తలచీ వలచీ కలలే కనెనే మనసు

చరణం 1
పొద్దసలే పోక నిద్దర పోనీక
ఎవ్వరిదో కేక ఎద లోతుల దాకా
భారమాయె యవ్వనం బోరు కొట్టే జీవితం
రగిలేటి విరహాన రాధల్లె నేనున్నా
నీ గాలి సోకేనా నా ఊపిరాడేనా
తెలిసీ తెలిసీ వలలో పడెనే వయసు
తలచీ వలచీ కలలే కనెనే మనసు
అది ఒక ఇదిలే ఇదిలే ఏదోలే
అది ఒక ఇదిలే ఇదిలే ఏదోలే

చరణం 2
నాకొద్దీ దూరం వెన్నెల జాగారం
బాత్‌రూం సంగీతం లేత ఈడు ఏకాంతం
కోపమొచ్చె నామీద తాపమాయె నీ మీద
దేహాలు రెండైనా ప్రాణాలు నీవేగా
విసిగించు పరువాన విధిలేక పడివున్నా
తెలిసీ తెలిసీ వలలో పడెనే వయసు
తలచీ వలచీ కలలే కనెనే మనసు

రచన : వేటూరి
గానం : శ్రేయాఘోషల్, బృందం