ఆర్య-2
సంగీతం : దేవిశ్రీ ప్రసాద్

మొదటిసారి నువ్వు నన్ను చూసినప్పుడూ కలిగినట్టి కోపమంత
మొదటిసారి నేను మాట్లాడినప్పుడూ పెరిగినట్టి ద్వేషమంత
మొదటిసారి నీకు ముద్దు పెట్టినప్పుడూ జరిగినట్టి దోషమంత
చివరిసారి నీకు నిజం చెప్పినప్పుడూ తీరినట్టి భారమంత

తెల్లతెల్లవారి పల్లెటూరిలోనా అల్లుకున్న వెలుగంతా
పిల్ల లేగదూడ నోటికంటుకున్న ఆవుపాల నురగంతా
చల్లబువ్వలోన నంజుకుంటు తిన్న ఆవకాయ కారమంతా
పెళ్లి ఊడు కొచ్చి తుళ్ళి ఆడుతున్న ఆడపిల్ల కోరికంత

Baby He loves you... loves you... loves you so much
Baby He loves you... loves you... loves you so much

అందమైన కాలకింద తిరిగే నేలకున్న బరువంతా
నీలి నీలి నీ కళ్ళలోన మెరిసే నింగికున్న వయసంతా
చల్లనైన నీ శ్వాసలోన తొణికే గాలికున్న గతమంతా
చుర్రుమున్న నీ చూపులోన ఎగసే నిప్పులాంటి నిజమంతా
Baby He loves you... loves you... loves you so much


పంటచేలలోని జీవమంతా
ఘంటసాల పాట భావమంతా
పండ గొచ్చినా పబ్బమొచ్చినా వంటశాలలోని వాసనంతా
కుంభకర్ణుడి నిద్దరంతా ఆంజనేయుడీ ఆయువంతా
కృష్ణమూర్తిలో లీలలంతా రామలాలి అంత
Baby He loves you... loves you... loves you so much


పచ్చి వేపపుల్ల చేదు అంతా
రచ్చబండపైన వాదనంతా
అర్ధమైనా కాకపోయినా భక్తి కొద్ది విన్న వేదమంతా
ఏటి నీటిలోన జాబిలంతా
ఏట ఏట వచ్చె జాతరంతా
ఏకపాత్రలో నాటకాలలో నాటుగోలలంత
Baby He loves you... loves you... loves you so much


అల్లరెక్కువైతే కన్నతల్లి వేసే మొట్టికాయ చనువంత
జల్లు పడ్డ వేళ పొంగి పొంగి పూసే మట్టిపూల విలువంతా
బిక్కుబిక్కుమంటు పరీక్ష రాసే పిల్లగాడి బెదురంత
లక్షమందినైన సవాలు చేసే ఆటగాడి పొగరంత
Baby He loves you... loves you... loves you so much

ఎంత దగ్గరైన నీకు నాకు మధ్యవున్న అంతులేని దూరమంతా
ఎంత చేరువైన నువ్వు నేను కలసీ చేరలేని తీరమంతా
ఎంత ఓర్చుకున్న నువ్వు నాకు చేసే జ్ఞాపకాల గాయమంతా
ఎంత గాయమైన హాయిగానే మార్చే ఆ తీపి స్నేహమంతా
Baby He loves you... loves you... loves you so much


రచన : చంద్రబోస్
గానం : దేవిశ్రీ ప్రసాద్
................................................................................................................................

పల్లవి
ఉప్పెనంత ఈ ప్రేమకీ గుప్పెడెంత గుండె ఏమిటో
చెప్పలేని ఈ హాయికీ భాషే ఎందుకో
తీయనైన ఈ బాధకీ ఉప్పు నీరు కంట దేనికో
రెప్పపాటు దూరానికే విరహం ఎందుకో
ఓ నిన్ను చూసే ఈ కళ్ళకీ లోకమంత ఇంక ఎందుకో
రెండు అక్షరాల ప్రేమకీ ఇన్ని ఎఫెక్షన్‌లెందుకో
ఐ లవ్ యు నా ఊపిరి ఆగిపోయినా
ఐ లవ్ యు నా ప్రాణం పోయినా
ఐ లవ్ యు నా ఊపిరి ఆగిపోయినా
ఐ లవ్ యు నా ప్రాణం పోయినా

చరణం 1
కనులలోకొస్తావు కలలు నరికేస్తావు
సెకనుకోసారైనా చంపేస్తావు
మంచులా ఉంటావు మంట పెడుతుంటావు
వెంటపడి నా మనసు మసి చేస్తావు
తీసుకుంటే నువ్వు ఊపిరి పోసుకుంట ఆయువే చెలీ
గుచ్చుకోకు ముళ్ళులా మరీ గుండెల్లో సరాసరి
ఐ లవ్ యు నా ఊపిరి ఆగిపోయినా
ఐ లవ్ యు నా ప్రాణం పోయినా
ఉప్పెనంత ఈ ప్రేమకీ గుప్పెడెంత గుండె ఏమిటో
చెప్పలేని ఈ హాయికీ భాషే ఎందుకో

చరణం 2
చినుకులే నిను తాకి మెరిసిపోతానంటే
మబ్బులే పోగేసి కాల్చెయ్యనా
చిలకలే నీ పలుకు తిరిగి పలికాయంటే
తొలకరే లేకుండా పాతెయ్యనా
నిన్ను కోరి పూలు తాకితే నరుకుతాను పూలతోటనే
నిన్ను చూస్తే ఉన్న చోటనే తోడేస్తా ఆ కళ్ళనే
ఐ లవ్ యు నా ఊపిరి ఆగిపోయినా
ఐ లవ్ యు నా ప్రాణం పోయినా
ఉప్పెనంత ఈ ప్రేమకీ గుప్పెడెంత గుండె ఏమిటో
చెప్పలేని ఈ హాయికీ భాషే ఎందుకో

రచన : బాలాజి
గానం : కె.కె.
.................................................................................................................................

పల్లవి
కరిగేలోగా ఈ క్షణం గడిపేయాలీ జీవితం
శిలగా మిగిలే నా హృదయం సాక్షిగా
కనులైపోయే సాగరం అలలై పొంగే జ్ఞాపకం
కలలే జారే కన్నీరే చేరగా
గడిచే నిమిషం గాయమై
ప్రతి గాయం ఓ గమ్యమై
ఆ గమ్యం నీ గురుతుగా నిలేచేనా ప్రేమా

చరణం 1
పరుగులు తీస్తూ అలసిన ఓ నది నేను
ఇరు తీరాల్లో దేనికి చేరువ కాను
నిదురను దాటి నడిచిన ఓ కల నేను
ఇరు కన్నుల్లో దేనికి సొంతం కాను
నా ప్రేమే నేస్తం అయ్యిందా
నా సగమేదో ప్రశ్నగ మారిందా
నేడీ బంధానికి పేరుందా... ఓ...
ఉంటే విడదీసే వీలుందా... ఓ...

చరణం 2
అడిగివన్నీ కాదని పంచిస్తూనే
మరునిమిషంలో అలిగే పసివాడివలే
నీ పెదవులపై వాడని నవ్వులతోన
నువు పెంచావా నీ కన్నీటిని చల్లి
సాగే మీ జంటని చూస్తుంటే
నా బాధంతటి అందంగా ఉందే
ఈ క్షణమే నూరేళ్ళవుతానంటే... ఓ...
మరుజన్మే క్షణమైనా చాలంతే... ఓ...

రచన : వనమాలి
గానం : కునాల్ గంజావాలా, మేఘ