ఆదిత్య 369 

సంగీతం : ఇళయరాజా

పల్లవి
రాసలీలవేళ రాయబారమేల
మాటే మౌనమై మాయజేయనేలా

చరణం 1
కౌగిలింత వేడిలో కరిగే వన్నె వెన్నలా
తెల్లబోయి వేసవి చల్లె పగటి వెన్నెల
మోజులన్నీ పాడగా జాజిపూల జావళి
కందెనేమో కౌగిట అందమైన జాబిలి
తేనెవానలోన చిలికే తీయనైన స్నేహము
మేని వీణలోన పలికే సోయగాల రాగము
నిదురరాని కుదురులేని ఎదలలోని సొదలుమాని

చరణం 2
మాయజేసి దాయకు సోయగాల మల్లెలు
మోయలేని తీయని హాయి పూల జల్లులు
చేరదీసి పెంచకు భారమైన యవ్వనం
దోరసిగ్గు తుంచకు ఊరుకోదు ఈ క్షణం
చేపకళ్ళ సాగరాల అలల ఊయలూగనా
చూపు ముళ్ళు ఓపలేను కలల తలుపు తీయనా
చెలువ సోకు కలువ రేకు చలువ సోకి నిలువనీదు

రచన : వెన్నెలకంటి
గానం : బాలు, జానకి
................................................................................................................................

పల్లవి
నెరజాణవులే వరవీణవులే
గిలిగించితాలలో ఆహాహహా
జాణవులే మృదుపాణివిలే మధుసంతకాలలో
కన్నులలో సరసపు వెన్నెలలే
సన్నలలో గుసగుస తెమ్మెరలే
మోవిగని మొగ్గగని మోజు పడిన వేళలో

చరణం 1
మోమటు దోచి మురిపెము పెంచే లాహిరిలో
అహహా....
మూగవుగానే మురళిని ఊదే వైఖరిలో
చెలి ఒంపులలో హంపికలా ఊగే ఉయ్యాల
చెలి పయ్యదలో తుంగ అలా పొంగే ఈ వేళ
మరి అందుకు విరి పానుపు సవరించవేమిరా

చరణం 2
చీకటి కోపం చెలిమికి లాభం... కౌగిలిలో
అహహా....
వెన్నెల తాపం వయసుకు ప్రాణం ఈ చలిలో
చెలి నా రతిలా హారతిలా నవ్వాలీవేళ
తొలి సోయగమే ఓ పగము ఇవ్వాలీవేళ
పరువానికి పగవానికి ఒక న్యాయమింక సాగునా

రచన : వేటూరి
గానం : జిక్కి, బాలు, శైలజ