ఇడియట్ 
సంగీతం : చక్రి

పల్లవి
లేలేత నవ్వులా పింగాని బొమ్మలా
అందాలు అందితే అల్లుకోనా
బాగుంది వెన్నెలా కూ అంది కోయిలా
కౌగిళ్ళలో నిన్ను హత్తుకోనా
ఏలో ఏలో ప్రేమా సరసాల సత్యభామా
కోలో కోలో రామా నువ్వేలే కోనసీమా
రంగేళి రూపమా బంగాళఖాతమా
ఊరించి చేయకే హైరానా

చరణం 1
ఎట్టా దాచావోగాని ఇన్నాళ్ళుగా దోచుకుంటా ఇచ్చేయ్ దోరగా
ఒళ్ళే వేడిక్కి ఉంది చాన్నాళ్ళుగా అది చేసింది ఎంతచొరవా
ఒడి చేరమంటు పిలిచింది ఆడతనమా హో...
నిను చూసినాక నీ మనసు ఆపతరమా
నీ కాలి మువ్వనైపోనా నువు ఊగేటి ఊయలైరానా
నీ పూల పక్కనైపోనా తమలపాకుల్లో పక్కనైరానా
గోదారి తీరమా మంజీరనాదమా
కవ్వింతలెందుకే హాయ్ రామా

చరణం 2
లిల్లీ పూవంటి సోకు నాదేనుగా మరి గిల్లి గిచ్చెయ్ తేరగా
అగ్గే రేగింది నాలో చూశావుగా అది చేసింది ఎంతగొడవా
చిరు చీకటింట చేరాలి కొంటెతనమా
దరి చేరినాక పులకించు పూలవనమా
నీ గోటి గాటునైపోనా మరి నీగుండె గూటికే రానా
ఆ గోరువంకనైపోనా చెలి ఈ వాగువంకనైరానా
నాలోని భాగమా ఆ నీలిమేఘమా
ఇచ్చాక ఎందుకో హైరనా

రచన : భాస్కరభట్ల
గానం : ఉదిత్‌నారాయణ్, కౌసల్య
................................................................................................................................

పల్లవి
ఈ రోజే తెలిసింది నీలో దాగిన ప్రేమా
చిత్రంగా కురిసింది మదిపై మల్లెల వానా
నా ఊపిరితో జీవించేటి ఓ చంటి ఐలవ్‌యురా
నిన్నే తలచీ నన్నే మరిచా ఓ కన్నా ఐలవ్‌యురా
కనురాల్చే కన్నీరువో నను చేరే పన్నీరువో
నీ ఎదచాటు వలపెంతో తెలిసిందిరా

చరణం 1
కన్నులలోనా వెన్నెలలోనా నీరూపుతోచి
ఊహలలోనా ఊసులలోనా నీ ఆశలే నాలో నీ బాసలే
తొలిసారిగ సిగ్గేస్తుంది మొగ్గేస్తుంది తనువంతా
అపుడపుడూ తడిమేస్తోంది తడిపేస్తోంది మధువల వానా
ఆనందమై నాలో అనుబంధమై
నీ ప్రేమ నను చేరి మురిపించెరా

చరణం 2
ఉదయించే అరుణం నేనై నిను చేరుకోనా
వికసించే కుసుమంనేనై నినుతాకనా నీలో సడిచేయనా
పనిచేస్తే పక్కన చేరి సందడి చేస్తు గుసగుసలే
పడుతుంటే అల్లరి చేస్తూ నను లాగేస్తూ తుంటరి కలలే
సంగీతమై నాలో సంతోషమై
నీ ప్రేమ కలలెన్నో పండించేరా

రచన : కందికొండ
గానం : కౌసల్య